Pagpapahayag ng Pagiging Kaisa ng Buong Sangkalikasan

Kaisa kami ng buong Sangkalikasan
sa pagdadala ng bagong buhay sa mga kalupaan

sa pagpapanumbalik ng ganda ng mga anyong tubig

sa muling pagpapanariwa ng hangin

Kaisa kami ng buong Sangkalikasan

sa pagpapanibago ng mga kagubatan

sa pangangalaga sa mga puno at halaman

sa pagtatangol sa buhay ng bawat nilalang

Kaisa kami ng buong Sangkalikasan
sa pagdiriwang ng mga karagatan
sa pakikigalak sa liwanag ng araw
sa pag-awit ng himig ng mga bituing tanglaw

Kaisa kami ng buong Sangkalikasan

sa muling paglilikha ng mga Sambayanan
ng pag-ibig at sandiwaan

sa pagsulong ng katarungan at kapayapaan

sa pagkalinga sa mga kabataan

Kaisa kami ng buong Sangkalikasan

Nagkakaisa tayo ngayon, kasama ang buong Sankalikasan,

sa paghabi ng samu’t saring pagpapahayag
ng iisang hiwaga ng pag-ibig;
para sa ikagagaling ng mga sugat
ng ating nag-iisang tahanang planeta
at sa pagpapanumbalik at pagpapadaloy
ng buhay na ganap at kaaya-ayasa buong Sangnilikha.

Pagpalain nawa ng Diyos na Maylikha
ang ating pag-iisang puso at diwa.

(Elizabeth Carranza)